Astanada bir páterden 50 myń dollar men 112 myń eýro urlaǵan «kórshi» ustaldy - ІІM
ASTANA. 16 aqpan. QazAqparat /Arman Asqarov/ - Astana qalasynyń Krımınaldyq polıtsııa qyzmetkerleri 66 jastaǵy jergilikti azamattyń páterinen 50 myń AQSh dollary men 112 myń eýro urlaǵan onyń kórshisin ustady.
Bul týraly búgingi baspasóz máslıhatynda QR Іshki ister mınıstrliginiń resmı ókili Qýanyshbek Jumanov málim etti.
Pavlodardyń 30 jastaǵy turǵyny bolyp tabylatyn ury Astana qalasynyń 66 jastaǵy azamatymen kórshi turǵan. Onyń óz úıinde iri somadaǵy aqshany saqtaıtyndyǵyn bilgennen keıin, ol sybaılastarymen kelise otyryp, tereze arqyly aýqatty kórshisiniń páterine zańsyz engen. Ol jerden 50 myń AQSh dollary men 112 myń eýro somasyndaǵy aqshany urlap, oǵan «Toıota Kamrı» markaly avtomashına satyp alyp úlgergen. «Atalǵan kólik polıtsııa qyzmetkerleriniń tarapynan tárkilendi. Qazirgi ýaqytta qylmystyń basqa da qatysýshylaryn ustaý boıynsha tıisti sharalar qabyldanýda», - deıdi Q.Jumanov.
