Astanada «Bir Otan! Bir taǵdyr! Bir Elbasy!» merekelik sharasy bastaldy

ASTANA. QazAqparat - Búgin Astanadaǵy Saryarqa velotreginde 1 jeltoqsan - QR Tuńǵysh Prezıdenti kúnin merekeleý aıasyndaǵy basty is-sharalardyń biri - «Bir Otan! Bir taǵdyr! Bir Elbasy!» merekelik kontserti bastaldy.

Osy merekelik sharaǵa Memleket basshysy Nursultan Nazarbaev qatysýda. Byltyr bul ataýly kún «Qazaqstan - 2050» uranymen ótken bolsa, bıylǵy shara «Máńgilik el» uranymen ótip jatyr. Velotrekke tola jınalǵan jurshylyq qazaqstandyq ekstrada juldyzdarynyń ónerin tamashalaýda.

Aıta keteıik, búgin keshqurym «Astana Opera» opera jáne balet teatrynyń aldynda Elbasynyń qatysýymen jańa jyldyń basty shyrshasyn jaǵý saltanaty sharasy ótedi dep kútilýde. «Baqyt qusy» dep atalatyn basty shyrshanyń bıiktigi 25 metrge sozylǵan.

Munymen qosa búgin elorda turǵyndary men qonaqtary «Elbasy joly» kınoepopeıasynyń jalǵasyn tamashalaıdy. Bul kórkem týyndy «Qazaqstan» ortalyq kontsert zalynda kórsetiledi.

1 jeltoqsan Qazaqstan Tuńǵysh Prezıdenti kúni merekesi keńinen atalyp ótpek. Aıta keterligi, tańdaý bul kúnge teginnen-tegin túsip otyrǵan joq. Este bolsa, 1991 jyldyń 1 jeltoqsan kúni táýelsiz Qazaq elinde alǵashqy prezıdenttik saılaý ótip, onda Nursultan Nazarbaev halyqtyń zor senimimen, ıaǵnı saılaýshylardyń 98,78 paıyz daýysymen jeńiske jetken edi.