Astanada bir mezette 5 myń adam konkı tebe alatyn muz aıdyny ashyldy
ASTANA. QazAqparat - Aqbulaq ózeninde eń úlken muz aıdyny ashyldy. Bıyl onyń aýmaǵy ulǵaıtylyp, 32 000 sharshy metrdi qurady, dep habarlaıdy astana.kz.
Aıdynda bir ýaqytta 5 myńnan astam adamnyń konkı tebýine múmkindik týǵyzylyp otyr.
Almaty aýdanynyń ákimi Bekbol Saǵynnyń aıtýynsha, aıdyn aýmaǵynda konkıdi jalǵa beretin 13 beket ornalasqan. Sondaı-aq, osy tektes muz aıdyny «Jeruıyq» saıabaǵynda da bar, al qalalyq mektepterdiń janynda 9 aıdyn jumys isteıdi.
Jalǵa berý beketterinde 2 myńnan astam konkı bar, jalǵa alý quny - saǵatyna 500 teńge. Eń kishkentaı kelýshiler úshin jeke aıdyn jasaldy. Aqbulaq ózeninde jyl saıyn ashylatyn muz aıdyny kóptegen astanalyqtyń demalysyn taza aýada ótkizetin súıikti ornyna aınaldy.
