Astanada bir qurylys nysanynan úsh jumysshy qulap ketti - QR TJM
ASTANA. 17 aqpan. QazAqparat - Astanada jańadan boı kóterip jatqan qurylys nysanynan úsh adam qulap ketti.
Bul týraly QR Tótenshe jaǵdaılar mınıstrliginen habarlady.
Málim bolǵandaı, búgin, tańerteńgi saǵat 9 jarymda «Jaǵalaý-3» turǵyn úı kesheninde qurylys-montajdaý jumystaryn júrgizý barysynda 7-shi qabattan «Astana Qurylys» JShS-nyń 25 jastaǵy jumysshysy qulap ketti.
Az ýaqyttan keıin, naqty aıtqanda 11 saǵat 35 mınýtta osy qurylys nysanynyń segizinshi qabatynan «Gaýdı» JShS-nyń 20 jáne 21 jastaǵy taǵy eki jumysshysy qulady. Zardap shekkenderdiń barlyǵy aýrýhanaǵa jetkizildi.
