Astanada bir baǵyttaǵy jańa jol ýchaskeleri ashylady
Osylaısha, bir baǵyttaǵy qozǵalys Buqarbaı batyr kóshesiniń Jeńis dańǵylynan Ázerbaıjan Mámbetov kóshesine deıingi aralyǵynda jáne Jeltoqsan kóshesiniń Kenesary kóshesinen Buqarbaı batyr kóshesine deıingi aralyǵynda engizilmek. Ózgerister 2018 jyldyń 15 qarashasynda, ıaǵnı beısenbi kúni kúshine enedi.
Bul ózgerister - qaladaǵy jol qozǵalysyn ońtaılandyrý jumystarynyń bir bóligi. Ol jol jelisine túsetin júktemeni azaıtý úshin engizilip otyr.
Belgilengen ýchaskelerge bir baǵyttaǵy qozǵalysty engizý avtokólik aǵyndarynyń úzdiksiz qozǵalysyn qamtamasyz ete otyryp, qarsy aǵynmen shıelenisý núktelerin qysqartý arqasynda jol-kólik oqıǵalarynyń sanyn azaıtady.
«Atalǵan ýchaskelerde qarama-qarsy baǵyttaǵy kólikterdiń qatysýymen birneshe ret jol-kólik oqıǵasy oryn alǵanyn aıta ketý qajet. Budan bólek, atalǵan sharalar bul kóshelerdiń kólik aǵynyn ótkizý qabiletin arttyrady. Taldaýlarǵa sáıkes, bir baǵyttaǵy qozǵalys osydan buryn engizilgen kóshelerdiń ótkizý qabileti orta eseppen 30%-ǵa artqan» delingen habarlamada.
Sonymen qatar, bul ózgeris bir baǵyttaǵy qozǵalys jelisin qalyptastyra otyryp, buǵan deıin engizilgen bir baǵyttaǵy qozǵalys ýchaskeleriniń tıimdiligin arttyrady jáne №1 mektep-lıtseıge jaqyn joldarda kólik qozǵalysy júktemesin azaıtady.
Esterińizge sala keteıik, 2018 jyldyń 27 qazanynda turǵyndardyń qatysýymen bir baǵytta jol júrýdi engizý týraly qoǵamdyq tyńdaý ótkizildi. Qoǵamdyq tyńdaý barysynda Astana qalasynyń Kólik jáne jol-kólik ınfraqurylymyn damytý basqarmasynyń, Saryarqa aýdany ákimshiliginiń, Astana qalasy ІІD Ákimshilik polıtsııa basqarmasynyń jáne «Astana LRT» JShS ókilderi turǵyndardyń suraqtaryna jaýap berdi. Sondaı-aq, aýdan turǵyndarynyń pikirleri tyńdalyp, barlyq usynystary eskerildi.