Astanada bir aılyq jaýyn-shashyn mólsheri bir keshte jaýdy

ASTANA. QazAqparat – Astanada jaýyn-shashynǵa baılanysty qala boıynsha 100-den astam tehnıka (assenızatorlyq mashınalar men motopompalar) jumyldyryldy, dep habarlaıdy QazAqparat elorda ákimdiginiń resmı saıtyna silteme jasap.

«Qazgıdromet» RMK málimeti boıynsha Astanada aılyq norma jaýyn-shashyn jaýdy: aılyq norma 31 mm bolsa, 24 tamyzda 42 mm jaýyn-shashyn jaýdy.

Sý basqan negizgi ýchaskelerdiń biri – Uly dala dańǵyly. Munda tazartý qondyrǵylary salynyp jatyr, joba áli aıaqtalǵan joq. Nóserli káriz jelileri men tazartý qurylystaryn salý máselesi qala ákimdiginiń baqylaýynda.

Buǵan deıin 200-den astam problemalyq ýchaskede sý tasqyny máselesi sheshildi.

Osy jyly jer ústi aǵyndaryn burý úshin 2,5 shaqyrym magıstraldyq nóserli káriz jelilerin salý josparlanyp otyr.

«Elorda eco system» uıymymen jer ústi aǵyndaryn burýdy qamtamasyz etý maqsatynda turaqty negizde tıisti is-sharalar júrgizilip jatyr: kollektorlar men jańbyr qabyldaǵyshtardy tazartý, qubyrlardy býlandyrý, sý shyǵarý, nóserli káriz júıelerin jáne tazartýǵa arnalǵan qurylys jumystaryn júrgizý jáne t.b.