Astanada bir aıda 1 mln-nan astam jolaýshy WI-FI paıdalanǵan
ASTANA. QazAqparat - Ótken aıda elordalyq avtobýs jolaýshylary ınternet-trafıktiń 2,5 myńnan astam gıgabaıtyn paıdalanǵan. Bul týraly búgin ótken brıfıng barysynda «Astana LRT» JShS baspasóz hatshysy Aıgúl Jamalova habarlady.
«30 kúnde ınternetti paıdalanǵandardyń sany 1 mln. 26 myń adamdy qurady. Ortasha alǵanda bir avtobýsta táýligine 114 paıdalanýshydan kelip otyr. Ótken aıda jolaýshylar shamamen 2565 Gıgabaıt trafıkti qoldandy, shartty túrde eseptegende bul bir adamǵa 2,5 Megabaıttan keledi. Júrgizilgen saraptama jumystarynan Astana turǵyndary áýen tyńdaýǵa, messendjerler men áleýmettik jeliler arqyly dostarymen baılanysýǵa áýes», - dedi A. Jamalova.
Ótken aıda júıede aqaýlyq baıqalǵany, bul joba pılottyq rejimde engizilgeni jáne ony synaý jumystary jalǵasyp jatqandyǵymen baılanysty ekenin aıtty.
Eske sala keteıik, 1 shildede Astanada «WI-FI Bus Astana» pılottyq jobasy iske qosylǵan. Osynyń aıasynda jolaýshylardy tasymaldaıtyn avtobýstar arnaıy roýterlarmen jabdyqtalǵan.
