Astanada bir aı ishinde birneshe kóshe jabylady
ASTANA. QazAqparat - 2016 jyly 5 maýsymnan bastap 5 shildege deıin elordanyń birneshe kóshesinde kólik qozǵalysyna shekteý qoıylady, dep habarlady Astana qalalyq ІІD baspasóz qyzmetinen.
Qalanyń kóshelerindegi asfalt-beton jabynyn qalypqa keltirý jumystaryn júrgizýge baılanysty 2016 jyly 5 maýsymnan bastap 5 shildege deıin kólik quraldarynyń qozǵalysy kezeń-kezeńmen shekteledi. Tómendegi ýchaskeler tolyq jabylady:
1. Turan dańǵylynan Orynbor kóshesine deıingi aýmaqta Dostyq kóshesi;
2. Kereı, Jánibek handar kóshesinen M-2 avtojol kópirine deıingi aýmaqtaǵy Orynbor kóshesi;
3. Kereı, Jánibek handar kóshesinen avtojol kópirine (Saryarqa kóshesi) deıingi aýmaqtaǵy Turan dańǵyly;
4. Táýelsizdik dańǵylynan avtojol kópirine (Mojaıskıı) deıingi aýmaqtaǵy Pýshkın kóshesi;
5. Dostyq kóshesinen Syǵanaq kóshesine deıingi Aqmeshit kóshesi;
6. Turan dańǵylynan Qabanbaı batyr dańǵylyna deıingi aýmaqtaǵy Kereı, Jánibek handar kóshesi;
7. Kenesary kóshesinen Birjan sal kóshesine deıingi Jeńis dańǵyly.
Qala joldaryndaǵy jóndeý jumystarynyń júrgizilýine baılanysty ІІD barlyq júrgizýshilerden óziniń baǵytyn aldyn ala josparlaýdy suraıdy.
