Astanada bir aı boıy turmysy tómen otbasydan shyqqan balalarǵa áleýmettik kómek kórsetiledi
ASTANA. 9 qańtar. QazAqparat - Elordada 10 qańtar-10 aqpan aralyǵynda «Qamqorlyq» respýblıkalyq aktsııasy ótedi. Bul týraly astana.kz saıtyna qalalyq Balalardyń quqyqtaryn qorǵaý basqarmasynan habarlady.
Aktsııanyń maqsaty - turmysy tómen, kóp balaly jáne az qamsyzdandyrylǵan otbasydan shyqqan, jetim, múgedek, ata-anasynyń qamqorlyǵynsyz qalǵan balalarǵa áleýmettik kómek kórsetý jáne qoldaý, sondaı-aq, balalardyń sabaqqa áleýmettik sebeptermen (kıim-keshektiń, aıaq kıimniń, mektepke qajetti jabdyqtardyń bolmaýy) qatyspaýynyń aldyn alý bolyp tabylady. Іs-sharanyń basty mindeti - mektep jasyndaǵy ár balanyń tegin orta bilim alý konstıtýtsııalyq quqyǵyn oryndaý úshin barlyq jaǵdaı jasaý.
