Astanada bir aı boıy áleýmettik jármeńke ótedi
ASTANA. QazAqparat - «Alaı Bazary» kóterme-bólshek saýda ortalyǵynyń ǵımaratynda 3 qarasha men 3 jeltoqsan aralyǵynda kún saıyn «Altyn kúz» atty áleýmettik azyq-túlik jármeńkesi ótedi, dep xabarlaıdy Astana ákimdiginiń resmı saıty.
Pavlodar men Aqmola oblystarynyń sharýa qojalyqtary jármeńkede et jáne sút ónimderin, sondaı-aq kókónister, jemister men jarmalar usynady. Qoı etiniń baǵasy 1230 teńgeden bastalsa, jylqynyń eti 1400-ge deıingi aralyqta satylady. Áleýmettik jármeńkede kartoptyń baǵasy kelisi - 55 teńge.
Aıta keteıik, Pavlodar oblysynan 150 tonna kartop jetkizilgen. Sondaı-aq sábizdiń bir kelisin 45 teńgege ala alasyzdar. Aqmola oblysynan 30 tonna iri qara mal men 7 tonna qoıdyń eti jetkizildi. Іri qara maldyń eti kelisine - 1300 teńge. Al qoı eti - 1250 teńge. Jumyrtqanyń baǵasy S-1 sanattyq - 23 teńge, S-2 - 24 teńge.
Sonymen qatar, munda kondıterlik jáne makaron ónimderi, shujyq pen bal da usynylǵan.
Jármeńkeniń mekenjaıy: Alash tasjoly, S 316 kóshesi, 5-shi ǵımarat, "Magným" gıpermarketiniń artynda.
"Alaı bazaryna" № 39, 41, 53, 307 jáne 317 avtobýstary baratynyn esterińizge salamyz.
Anyqtama telefondary: +7 (7172) 738087, +7 771 180 0006, +7 702 000 0390.
