Astanada bir aptada 5 myńnan astam jol qozǵalysy erejeleri buzyldy - ІІD
ASTANA. QazAqparat - Astana qalasy ІІD Ákimshilik polıtsııa basqarmasynyń málimetinshe, ótken aptada 5 myńnan astam jol qozǵalysy erejelerin buzý jaǵdaıy tirkeldi, dep habarlady astana.kz.
Jeti kúnniń ishinde tártip saqshylary jyldamdyq rejımin buzýdyń 505 faktisin anyqtasa, 400 júrgizýshi qaýipsizdik beldigin taqpaǵany úshin ustaldy. Jol-patrýldik polıtsııa qyzmetkerleri basyp ozý jáne manevrleý erejelerin buzýdyń 156 jaǵdaıynyń jolyn kesti, jaıaý júrginshiler ótkelinde adamdarǵa jol berý talabyn oryndamaý men jol-kólik apatyn týdyrýǵa baılanysty 67 jaǵdaı tirkeldi. Sonymen qatar, kólikti mas kúıinde basqarǵan 67 júrgizýshi ustaldy. Tyıym salynǵan jerlerde joldy kesip ótken 500 jaıaý júrginshi ákimshilik jaýapkershilikke tartyldy.
