Astanada bir aptada 11 jol apaty tirkeldi, 1 adam qaza tapty, 14-i jaraqattandy
ASTANA. 22 shilde. QazAqparat - Ótken aptada Astanada 11 jol apaty tirkeldi. Saldarynan bir adam ajal qushty, 14-i ár túrli deńgeıde jaraqattandy.
Bul týraly elordalyq jol polıtsııasy basqarmasynyń baspasóz qyzmetinen habarlady.
«Toıota Kamrıdi» tizgindegen 60 jastaǵy júrgizýshi Qajymuqan Muńaıtpasov kóshesinde baǵdarshamnyń ruqsat etken belgisimen Mırzoıan kóshesine burylý kezinde qarsy kele jatqan temir tulpardy ótkizbeı, 27 jastaǵy elordanyń turǵyny basqarǵan «BMV» kóligimen soqtyǵysty. Saldarynan «Toıotanyń» júrgizýshisi men eki jolaýshysy túrli jaraqattarmen jaqyn mańdaǵy aýrýhanaǵa jetkizildi.
Bir apta ishinde elordalyq jol saqshylary jolda júrý erejelerin buzýdyń 6 myń faktisin anyqtaǵan. Onyń ishinde 81 júrgizýshi kólikke mas kúıinde otyrǵandary, 599-y basyp ozýdyń tártibin saqtamaǵany, 590-y jyldamdyqty asyrǵandary úshin ustaldy. 285 astanalyq júrgizýshi kólikterin qaýipsizdik beldigin taqpaı júrgizgen, 116-sy jaıaý júrginshilerdi ótkizbegen. Ruqsat etilmegen jerden ótken 511 jaıaý júrginshige aıyppul salyndy.
