Astanada bir apta ishinde jolda júrý erejelerin buzýdyń 6 myńǵa jýyq oqıǵasy tirkeldi
ASTANA. 29 shilde. QazAqpart - Elordalyq jol polıtsııasy basqarmasynyń málimeti boıynsha ótken aptanyń ishinde jolda júrý erejesin buzýdyń 6 myńǵa jýyq oqıǵasy tirkelgen.
Olardyń ishinde 59 júrgizýshi aşy sýdy simirip, kólikti basqarǵan, 611-i jyldamdyqty asyrǵan, 741-i basyp ozý jáne manevr jasaý talaptaryn esten shyǵarǵan.
Aýaǵa zııandy zattardy tastaý boıynsha 1101 ákimshilik is rásimdelip, jolǵa qoqys laqtyrǵan 458 júrgizýshige aıyppul salyndy.
Qolǵa alynǵan aldyn alý sharalaryna qaramastan, jaıaý júrginshiler áli de óz ómirlerine qaýip tóndirip, joldan qaýipsiz ótý erejelerin buzýda. Ótken aptada belgilenbegen jerdi qıyp ótken 500 jaıaý júrginshi ustaldy.
Jol saqshylary QR ákimshilik quqyqbuzýshylyqtar týraly kodekstiń 473 baby 1-shi bóligine sáıkes jolda júrý erejelerin buzǵan jaıaý júrginshilerge 5 AEK (8 655 teńge) kóleminde aıyppul salynatynyn eskertedi. Eger jaıaý júrginshiler tarapynan 3 nemese odan artyq quqyqbuzýshylyq jasalsa, onda 15 AEK (25 965 teńge) mólsherinde aıyppul nemese 3 kúnge ákimshilik qamaýǵa alý qarastyrylǵan.
