Astanada Bilim jáne ǵylym mınıstrligine qarasty Ulttyq akkredıtatsııalyq ortalyǵynyń Akkredıtatsııalaý keńesiniń birinshi májilisi ótti

dep habarlaıdy QazAqparat.

Bilim jáne ǵylym mınıstrligine qarasty Ulttyq akkredıtatsııalaý ortalyǵynyń dırektory Nurılá Shahanovanyń aıtýynsha, qoǵam ókilderi joǵary oqý oryndary beretin bilimniń sapasy men onyń tıimdiligine qatysty jan-jaqty aqparat alýǵa tolyq quqyly. Akkredıtatsııalaý jumystary degenimiz osy máseleni qamtıdy. «Mundaı tájirıbe álem boıynsha qalyptasqan jáne kóptegen memleketterde akkredıtatsııalaýmen aınalysatyn arnaıy agenttikter men bútindeı bir jeliler bar. Olar tipti halyqaralyq deńgeıde damyǵan. Qarqyndy damyp otyrǵan Qazaqstan da árıne bul úderisterden tys qalyp otyrǵan joq. Elimizde 2005 jyly Ulttyq akkredıtatsııalaý ortalyǵy quryldy. Atalmysh ortalyq osy sala boıynsha arnaıy normatıvti ádistemelik qujattar daıyndap, akkredıtatsııalaý máselelerimen aınalysatyn mamandar daıarlady», dedi ortalyq dırektory.

Onyń sózine qaraǵanda, aǵymdaǵy jyly elimizdegi 9 joǵary oqý orny ınstıtýtsıonaldyq akkredıtatsııalaý jumystaryna qatysty. «Osyǵan qaraı bizdiń ortalyqta arnaıy saraptaý komıssııasy qurylyp, onyń quramyna elimizdiń jáne sheteldiń sarapshylary men ǵalymdar kirdi.

Jalpy akkredıtatsııa joǵary oqý ornynyń damý deńgeıin, onyń aıaq alysy men bolashaq josparlaryna qatysty máselelerdi saraptap, saralap otyrady», dedi N.Shahanova.

Otyrys barysynda májiliske qatysýshylar akkredıtatsııalaý jumystaryna qatysqan 9 joǵary oqý ornynyń jumystaryna qatysty   saraptaý komıssııasy ókilderiniń usynys, pikirlerin talqylamaq.