Astanada bilim mekemeleri jylytý maýsymyna 98 paıyzǵa daıyn
«Elordadaǵy 126 bilim mekemesiniń 123-i, ıaǵnı 98% qysqa daıyndyq jumystaryn aıaqtady. Almaty aýdanynda 59 nysannyń 58-i, Esil aýdanynda 5 nysannyń bári (100%), Saryarqa aýdanynda 62 nysannyń 60-y qysqa daıyn, bul jalpy nysandardyń 97%», - dep habarlady kompanııanyń baspasóz qyzmetinen.
Sonymen qatar, qaladaǵy 12 mádenı nysan da jylytý maýsymyna daıyn. Almaty aýdanynda 4 nysan, Esil aýdanynda 1 jáne Saryarqa aýdanynda 7 nysan qysqa ázir.
«Astana jylýtranzıt» AQ habarlaýynsha, basqa da áleýmettik nysandar jylytý maýsymyna daıyndyq jumystaryn júrgizdi.
Elordadaǵy 27 densaýlyq saqtaý nysanynyń 25-i, ıaǵnı, 93% qysqa daıyn. Almaty aýdanynda 16 nysannyń 15-i, ıaǵnı 94%, Saryarqa aýdanynda 11 aýrýhananyń 10-y, ıaǵnı 91% jylytý maýsymyna daıyndyq jumystaryn aıaqtady. Astana qalasynyń turǵyn úı qoryna kelsek, úılerdiń 95% qysqa daıyn, Almaty aýdanyndaǵy turǵyn úılerdiń sany 985, sonyń ishinde 936 úı nemese 95%, Esil aýdanynda 119 turǵyn úıdiń 93-i, ıaǵnı 78% jáne Saryarqa aýdanyndaǵy 918 úıdiń 856-y nemese 93% daıyndyq jumystaryn júrgizdi. Jalpy Astana qalasy boıynsha 2022 turǵyn úı bar. Sonyń ishinde, 1885 úıde (93%) tıisti daıyndyq jumystary oryndaldy.
Eske salaıyq, 2013 jyly 11 sáýirde Astana qalasy ákiminiń qatysýymen ótken jıynnyń hattamasyna sáıkes, áleýmettik mekemelerdi1 tamyzǵa deıin, al kóp páterli turǵyn úılerdi 1 qyrkúıekke deıin jylytý maýsymyna daıyndaý tapsyrylǵan bolatyn.
