Astanada bilim grantyn «saýdaǵa salǵan» alaıaqqa qatysty qylmystyq is qozǵaldy
ASTANA. QazAqparat - Astana qalasy ishki ister departamenti 1986 jyly týǵan Gúlzıra Nádirbekovaǵa qatysty qylmystyq is júrgizip jatyr, dep habarlaıdy vedomstvonyń baspasóz qyzmeti.
Ol Joǵarǵy oqý oryndaryna grant alyp beremin nemese oqýǵa túsý emtıhandarynan ótkizip beremin jáne ekinshi deńgeıli bankterden kepilge múlik alyp beremin degen jeleýmen azamattardan iri kólemdi aqsha jymqyrǵan.
G.Nádirbekovaǵa qatysty qamaýǵa alý túrindegi bultartpaý sharasy qoldanyldy.
Astana qalasynyń ІІD Gúlzıra Nádirbekovanyń áreketterinen zardap shekkenderdiń ІІD-iniń tergeý basqarmasyna (Beıbitshilik kóshesi,19) nemese 8 (7172) 71-62-13, 71-62-24 jáne «102» baılanys telefondaryna habarlasýyn suraıdy.
