Astanada Bilim granttaryn taǵaıyndaý boıynsha respýblıkalyq konkýrstyq komıssııanyń otyrysy ótti

Bilim jáne ǵylym mınıstri Janseıit Túımebaev tóraǵalyq etetin komıssııanyń quramyna atalmysh vedomstvo men densaýlyq saqtaý mınıstrliginiń qyzmetkerleri, joǵary oqý oryndarynyń rektorlary, bilim berý qyzmetkerleriniń kásipodaqtary kiredi.

Aıta keteıik, bilim granttary Ulttyq biryńǵaı testileý men keshendi testileýdiń nátıjeleri boıynsha JOO-larǵa oqýǵa túsip jatqan abıtýrıentterge taǵaıyndalady.

2010-2011 oqý jylynda memlekettik bilim grantttary 35 425 adamǵa beriledi. Onyń 34 425-i - kúndizgi, 1000 - syrttaı bólimderge arnalǵan. Atalmysh granttardyń ishinde sondaı-aq, M.Lomonosov atyndaǵy Máskeý memlekettik ýnıversıtetiniń qazaqstandyq fılıalyna túsken stýdenttterdi oqytý, Túrik Respýblıkasynan jáne basqa da túrkitildi memleketterden kelgen stýdentterdi ıAsaýı atyndaǵy Qazaq-túrik halyqaralyq ýnıversıtetinde oqytý, Aqparattyq tehnologııalar halyqaralyq ýnıversıtetinde bilim alý, Nazarbaev ýnıversıtetinde jáne JOO-lardaǵy aldyn ala daıyndaý bólimsheleriniń tyńdaýshylaryn oqytý qarastyrylǵan.

Memlekettik bilim granttaryn taǵaıyndaý konkýrsyna barlyǵy 82 607 abıtýrıenttiń ótinishi qatysty, onyń ishinde qazaq tildi - 57 828, orys tilde - 24 779. Olardyń arasynda 2400-i «Altyn belgi» tós belgisiniń ıegeri, 1101 - halyqaralyq, respýblıkalyq olımpıadalar men ǵylymı saıystardyń, baıqaýlardyń jáne sporttyq jarystardyń jeńimpazdary.

Granttar UBT men keshendi testileýler nátıjelerine sáıkes berilgen sertıfıkattardyń upaı sandary boıynsha taǵaıyndalady.

Granttardy úlestirý barysynda «Altyn belgi» ıegerlerine, halyqaralyq, respýblıkalyq olımpıadalar men ǵylymı saıystardyń, baıqaýlardyń jáne sporttyq jarystardyń jeńimpazdaryna basymdyq beriledi.

Bilim granttary ıegerleriniń tizimderi «Egemen Qazaqstan» men «Kazahstanskaıa pravda» gazetterinde tamyz aıynyń ortasynda jarııalanady.