Astanada bilim berýdi damytýǵa arnalǵan ІІІ qalalyq forým ótedi
ASTANA. 22 qazan. QazAqparat - Astana qalasynyń Bilim basqarmasy Qazaqstan Respýblıkasynda Bilim berýdi damytýdyń 2011-2020 jyldarǵa arnalǵan memlekettik baǵdarlamasynda kórsetilgen mindetterdi iske asyrý aıasynda
24 qazan kúni Astana qalasynda áleýmettik áriptes «Qazaqstan temir joly» UQ» AQ-nyń «Indýstrıaldy tehnologııalyq ortalyǵy» parkinde «Kásiptik bilim berý jáne bıznes: áriptester suhbaty» atty IIІ qalalyq forýmyn ótkizedi. Bul jaıynda elorda ákimdiginiń málimetterinde habarlandy.
Forým Bilim berýdi damytýǵa arnalǵan baǵdarlamada kórsetilgen mindetterdi taldaý jáne júzege asyrý, tehnıkalyq jáne kásiptik bilim berý júıesin jańartý maqsatynda ótedi.
Sondaı-aq, forým sheńberinde oqý oryndary, ákimdik, salalyq qaýymdastyqtar men iri kompanııalar arasyndaǵy kelisimderge, memorandýmdarǵa qol qoıylady dep kútilýde.
