Astanada bilim berý júıesindegi tulǵany tárbıeleý máselesi jan-jaqty talqylanbaq
ASTANA. QazAqparat - Búgin, 5 jeltoqsanda «Bilim berýdegi ınnovatsııa: izdenis jáne sheshim» halyqaralyq ǵylymı-praktıkalyq konferentsııasyn ótkizedi. Kónferentsııany Y.Altynsarın atyndaǵy Ulttyq bilim akademııasy ótkizbek.
Konferentsııa aıasynda «Qazirgi zamanǵy talaptarǵa sáıkes bilim mazmunyn jańartý» halyqaralyq ǵylymı-praktıkalyq semınary ótedi.
Konferentsııanyń maqsaty - bilim berýdegi ınnovatsııa máseleleri boıynsha zertteýshiler men tájirıbeli mamandardyń dıalogyn ótkizýge arnalǵan halyqaralyq forým qurý. Dóńgelek ústel jumysynyń barysynda bilim berý júıesindegi ınnovatsııalyq úderisteri, mádenıetaralyq qatynastardyń sýbektisi retinde tulǵany tárbıeleý, ekologııalyq mádenıetti qalyptastyrýda dástúrler men ınnovatsııalar, sonymen qatar jahandaný men áleýmettený kontekstinde bilim mazmunyn jańartý, HHІ ǵasyrdyń aqparattyq talaptary máseleleri qarastyrylady. Konferentsııa jumysyna Qazaqstan Respýblıkasy Bilim jáne ǵylym mınıstrligi, respýblıkalyq vedomstvolyq baǵynystaǵy uıymdar, Oblystardyń, Astana jáne Almaty qalalary bilim basqarmalarynyń ókilderi, sonymen qatar barlyq deńgeıdegi bilim berý uıymdarynyń jetekshileri men pedagogtary, kadrlardy qaıta daıarlaý men biliktiligin arttyrý júıesiniń, qoǵamdyq jáne kásiptik birlestikterdiń jetekshileri, otandyq jáne sheteldik ǵalymdar, Ulybrıtanııa, AQSh, Reseı bilim berý salasynynyń halyqaralyq sarapshylary qatysady. «Konferentsııa qorytyndysy boıynsha qarar qabyldanady. Barlyq qatysýshylarǵa qatysýshy sertıfıkaty men materıaldar jınaǵy tapsyrylady», delingen habarlamada.
