Astanada bilim berý salasynyń úzdik mekemeleri anyqtaldy
ASTANA. QazAqparat - Ustazdar merekesi qarsańynda Astanada bilim berý salasyndaǵy úzdik uıymdar marapattaldy, dep xabarlaıdy QazAqparat tilshisi.
Mektepter arasynda №3 mektep-gımnazııasy úzdik atandy. Gımnazııa ujymyna ákimniń granty tabystaldy. Al mektepke deıingi bilim berý uıymdary ishinde №37 «Arman qala» balabaqshasy oq boıy ozyq shyqty. Budan bólek, «Qosymsha bilim berýdiń úzdigi» - balalar kórkemsýret mektebi, «Úzdik arnaıy uıym» - psıxologııalyq-pedagogıkalyq korrektsııa boıynsha № 1 kabınet, al Gýmanıtarlyq kolledj «Kásibı-texnıkalyq bilim berýdiń úzdigi» atandy.
"Gýmanıtarlyq kolledjge erekshe alǵysymyzdy jetkizeıin dep edik. Sebebi atalǵan oqý orny "EKSPO-2017" kórmesi kezinde aımaqtardan kelgen balalardy qabyldap, jatyn oryndaryn usyndy. Myńdaǵan balanyń armanyn oryndaýǵa kómektesti. Olar EKSPO-ny óz kózimen kórip, umytylmas áserge bólendi. Ondaı sátterdiń máńgi este qalatyny xaq. Balalar kórgen-bilgenderin áli talaı ret eske alady. Gýmanıtarlyq kolledjdiń ujymy bolsa, jazǵy demalysqa qaramastan, EKSPO sııaqty ulttyq jobamyzdy qoldady. Sol úshin myń da bir alǵys aıtamyz", - dedi Astana ákiminiń orynbasary Málıka Bekturova.
Aıta keteıik, búgin Beıbitshilik jáne kelisim saraıynda aldaǵy ustazdar meıramyna arnalǵan saltanatty shara ótti. Astanalyq muǵalimderdi qala ákiminiń orynbasary Málıka Bekturova quttyqtady.
