Astanada bilim berý protsesine «Máńgilik El» qundylyqtaryn engizý paneldik sessııasy ótedi
ASTANA. QazAqparat - 24 tamyz kúni Bilim berý qyzmetkerleriniń respýblıkalyq tamyz pedagogıkalyq keńesi sheńberinde Mektepke deıingi jáne orta bilim, aqparattyq tehnologııalar departamenti jáne Y.Altynsarın atyndaǵy Ulttyq bilim akademııasy «Ult Jospary «100 naqty qadam» konteksinde bilim berý protsesine «Máńgilik El» qundylyqtaryn engizý» paneldik sessııasyn ótkizedi, dep habarlady Bilim jáne ǵylym mınıstrliginiń baspasóz qyzmetinen.
Paneldik sessııa jumysyna QR Bilim jáne ǵylym mınıstrliginiń, oblystyq, aýdandyq, qalalyq bilim basqarmalarynyń ókilderi, bilim berý uıymdarynyń dırektorlary, dırektordyń oqý jáne tárbıe jumysy jónindegi orynbasarlary, ádiskerler, mektepke deıingi uıymdardyń, bilim berý salasyndaǵy baqylaý jónindegi komıtettiń ókilderi qatysady. Elbasynyń «Qazaqstan joly - 2050: Bir maqsat, bir múdde, bir bolashaq» Joldaýynda aıtylǵan «Máńgilik El» ulttyq ıdeıasy balalar men jastarda joǵary rýhanılyq, azamattyq ustanym, áleýmettik jaýapkershilik, qazaqstandyq qoǵam ıgiligi úshin eńbek etý daıyndyǵyn, jańa qazaqstandyq patrıotızm men birigý sezimin tárbıeleýge baǵyttalǵan. «Máńgilik El» qundylyqtaryn «Ult jospary «100 naqty qadam» konteksinde bilim berý protsesine engizýdiń mańyzdy aspektilerin talqylaý jastardy sapaly bilimmen qamtamasyz etýge, olarda azamattyq ustanym, jańa qazaqstandyq patrıotızm men joǵary rýhanılyq qalyptastyrýǵa baǵyttalǵan basymdyqtardy anyqtaýǵa kómektesedi. Paneldik sessııanyń qorytyndysy boıynsha usynymdar qabyldanady.
