Astanada bılıard klýby órtendi, 55 adam qaýipsiz jerge kóshirildi
ASTANA. 10 aqpan. QazAqparat - Astana qalasynyń Esil aýdanynda Qorǵaljyn tas joly, 6 meken-jaıy boıynsha ornalasqan 6 qabattyq turǵyn úıdiń alǵashqy qabatyndaǵy «Albıon» bılıard klýbynda 9 aqpan kúni saǵat 10.26-da órt boldy.
Bul týraly QR TJM baspasóz qyzmetinen habarlady.
Jalyn 10.56-da aýyzdyqtalyp, 11.02-de tolyǵymen sóndirildi. Órtti sóndirýge Astana qalasy TJD órt sóndirý qyzmeti jeke quramynyń 18 qyzmetkeri men 3 tehnıka birligi jumyldyryldy. Jalyn 40 m2 aýmaqty sharpydy. Qaza tapqandar men zardap shekkender joq. Órt sóndirý kezinde 5 adam qaýipsiz aımaqqa kóshirildi (sonyń ishinde 5 bala bar).
