Astanada bıyl 50 kóshede jol jóndeý jumystary júrgiziledi
ASTANA. KAZINFORM — Astana qalasynyń ákimi Jeńis Qasymbek Instagram paraqshasynda jóndeý jumysy júrip jatqan kósheler týraly jazdy, dep habarlaıdy elorda ákimdiginiń resmı saıty.
Astana ákimi Jeńis Qasymbek Astanada bıyl jalpy uzyndyǵy shamamen 60 shaqyrym bolatyn 50-ge jýyq kóshede jóndeý jumystary júrgiziletinin aıtty. Sonymen qatar elordada jańa joldar men jol aıryqtaryn salý jumystary qatar júrip jatyr.
Ákimniń aıtýynsha, jańa joldardyń salynýy kólik qozǵalysyn jeńildetip, negizgi magıstraldardaǵy júktemeni azaıtýǵa múmkindik beredi.
Qazir elordanyń birneshe aýdanynda jańa kóshelerdiń qurylysy júrip jatyr.
Jangeldın kóshesi K. Kúmisbekov pen Sh. Beısekova kóshelerin baılanystyrady. Joba №65 mektep-gımnazııasyna, tehnıkalyq kolledjge jáne «Bilim-Innovatsııa» lıtseı-ınternatyna qatynaýdy jeńildetýge múmkindik beredi. Qazirgi ýaqytta ınjenerlik jeliler júrgizilip, jol tósemi tóselip jatyr.
S. Nurmaǵambetov kóshesi Sh. Qaldaıaqov kóshesinen Raıymbek batyr kóshesine deıin salynyp jatyr. Joba kólik qozǵalysyn jaqsartyp, LRT stantsııasyna qatynaýdy jeńildetýge baǵyttalǵan. Qazir jol tósemin tóseý jumystary júrgizilýde.
E67 jáne E68 kósheleri Tóle bı kóshesinen Á. Bekturov kóshesine deıin salynady. E68 kóshesiniń qurylysy osy aýmaqtaǵy kólik qozǵalysyn jaqsartyp, jaqyn mańdaǵy turǵyn úı keshenderine qatynaýdy jeńildetedi. Qazirgi ýaqytta jol tósemi tóselip jatyr.
Prıgorodnyı eldi mekeninde Mestnaıa-7 jáne E522 kósheleriniń qurylysy júrip jatyr. Joba eldi mekendegi kólik qozǵalysyn jaqsartyp, salynyp jatqan jaıly mektep pen turǵyn úılerge qatynaýdy qamtamasyz etedi. E522 kóshesinde ınjenerlik jeliler júrgizilip, jol tóselip jatyr.
Sondaı-aq Máńgilik El dańǵyly, 40A mekenjaıynan Á. Bókeıhan kóshesine deıin, «Sapfır» turǵyn úı kesheni baǵytyna jańa kóshe salynyp jatyr. Ol Máńgilik El dańǵyly men Á. Bókeıhan kóshesin baılanystyryp, «Sapfır», «Kórkem-4» jáne «Kúmbel» turǵyn úı keshenderine qatynaýdy jaqsartady. Qazir munda ınjenerlik jeliler júrgizilýde.
Jeńis Qasymbek jol qurylysy elordanyń barlyq aýdanynda júrip jatqanyn atap ótti. Merdigerlerge jumystardy belgilengen merzimde aıaqtap, sapany qamtamasyz etý tapsyryldy.
Osyǵan deıin Astanada joldyń bir bóligi 3 kúnge jabylatynyn jazǵan edik.
