Astanada bıik úıler úshin berilgen orynǵa mektep-gúlzarlar salynatyn boldy
NUR-SULTAN. QazAqparat - Astana ákimdigi birqatar turǵyn úı keshenderiniń qurylysy boıynsha usynystardy qabyldamady. «Nur-Sultan – jaıly qala» master-jospary aıasynda qala ákimdigi áleýmettik nysandar qurylysyna jáne qoǵamdyq keńistikterdi abattandyrýǵa erekshe nazar aýdarady, dep habarlaıdy QazAqparat.
Atap aıtqanda, Baıtursynuly kóshesi, 7 (Haıvıll Turǵyn úı kesheni) mekenjaıyndaǵy ýchaskede kóppáterli turǵyn úıdiń ornyna mektep salynatyn boldy.
Budan basqa, Qoshqarbaev dańǵyly men Aqyrtas kóshesi mańynda «Haıvıl» TK-ge qarama-qarsy oqýshy oryndarynyń tapshylyǵyn azaıtý maqsatynda taǵy bir jalpy bilim beretin mektep salynady.
Aqbulaq yqsham aýdanynda Q.Jalaıyrı kóshesinde «Iconic» TK qurylysy da toqtatyldy. Master-jospar boıynsha bul oryn abattandyrylyp, gúlzar ashylady.
Esil aýdanyndaǵy Máńgilik El dańǵyly janynda – №9 emhana men №77 mektep-gımnazııa arasyndaǵy ýchaskede jospar boıynsha serýendeýge jáne demalýǵa arnalǵan qoǵamdyq keńistik (gúlzar) salynady.
Kúmisbekov kóshesi 9 mekenjaıynda 21 qabatty turǵyn úı kesheni men parkıngtiń ornyna qoǵamdyq keńistik pen gúlzar salynady.
M.Gorkıı-Kosygın-Chelıýskıntsev-Ishımskaıa kósheleriniń kvadratynda TK ornyna gúlzar salynady.
Sonymen qatar Bas prokýratýra men Jysan Bank arasynda – Máńgilik El dańǵyly men Syǵanaq kóshesiniń qıylysyndaǵy ýchaskede kóppáterli turǵyn úı kesheniniń ornyna taǵy bir mektep salynady.
