Astanada bıik ǵımarattardan shyqqan órtti sóndirýge tikushaq paıdalanylatyn bolady
ASTANA. 12 qańtar. QazAqparat - Astana qalasynda jyl ótken saıyn bıik te záýlim ǵımarattar kóbeıip keledi. Al aldaǵy 2015 jyldyń maýsymyna qaraı Qazaqstan men Ortalyq Azııada eń bıik ǵımarat bolyp sanalatyn «Abý-Dabı Plaza» shahardyń sánin kórkeıte túspek.
Mine, osyndaı kókpen talasqan asqar ǵımarattarda tótenshe jaǵdaı týyndap, órt shyǵa qalsa, ony sóndirýge tikushaqtar jumyldyrylatyn bolady. Bul týraly Astana qalasynyń resmı saıty astana.kz habarladyTótenshe jaǵdaılar departamenti.
Órt sóndirý jáne apattyq-qutqarý qyzmetiniń bastyǵy Búrkit Muqashevtyń aıtýynsha, elordadaǵy barlyq tehnıkalar Reseı men batys elderinen alynyp, únemi jańalanyp turady.«Qazir qol astymyzda asa bıikke kóteretin qurylǵylar da bar. Sondaı-aq, biz bıik ǵıarattardaǵy órtterdi sóndirýge «Qazavıaqutqarý» AQ bazasyn paıdalanamyz. Atap aıtqanda, atalǵan bıiktikterdegi tilsiz jaýdy aýyzdyqtaýǵa Tótenshe jaǵdaılar mınıstrliginiń tikushaqtaryn tartyp júrmiz», - dedi ol.
