Astanada bı olımpıadasy ótedi
ALMATY. 16 naýryz. QazAqparat - Astanada 17 naýryz kúni ІІІ Bı olımpıadasy bolady. Ony qazirgi zamanǵy jáne sporttyq bı federatsııasy Astana qalasy ákimdiginiń qoldaýymen uıymdastyryp otyr.
Bıdiń barlyq baǵyttaryn biriktiretin bul jarysqa qatysýshylardyń 40 paıyzǵa jýyǵyn balalar quramaq. Kásipqoı jáne áýesqoı sportshylar onda balet, halyq bıleri, shyǵys bıleri, estradalyq bıleri men step, salsa jáne ózge de bı úlgileri boıynsha qatysqaly otyr. Olımpıada jeńimpazdary 50 atalym boıynsha anyqtalady.
Astana qalasynyń týrızm, dene tárbıesi jáne sport basqarmasynyń baspasóz qyzmetiniń habarlaýynsha, oǵan Qazaqstannyń barlyq aımaqtarynan jáne Kýba, Ózbekstan, Reseı sııaqty alys-jaqyn shet elderdiń komandalary da qatyspaq. Astana qalasynyń balalar úıleri men ınternattardyń shákirtteri arasyndaǵy saıystar, sondaı-aq mektep jasyna deıingi balalar arasyndaǵy baby cup jarysy óte qyzyqty ótedi dep boljanýda. Sonymen qatar, baǵdarlamaǵa múmkindigi shekteýli adamdar arasyndaǵy Para Art&Dance festıvali da enip otyr.
