Astanada «BI Marathon 2019» marafonyna tirkelý júrýde
ASTANA. QazAqparat - Sportsúıer qaýym asyǵa kútetin jarysqa aınalyp úlgergen BI Marathon 2019 jyly 4-shi ret ótkeli tur. Jarysqa 16 jeltoqsannan bastap tirkelý júrip jatyr, dep habarlaıdy QazAqparat.
«BI Marathon-ǵa tirkelýdi ýaqytynan buryn bastaý sheshimi kópshilik arasynda júgirýdiń tanymaldyǵynyń ósýine baılanysty jáne qatysýshylarǵa aldyn-ala daıyndalýǵa múmkindik berý úshin qolǵa alynyp otyr. Jalpy sany 10 000-ǵa jýyq adam qatysady dep jospar qoıdyq. Ásirese, usynylyp otyrǵan qashyqtyqtarda jeke rekordyn jańartýǵa tilek bildirgen qazaqstandyqtarǵa erekshe kóńil bólip otyrmyz. Kóptegen qalalarda marafon marshrýty qalanyń eń ádemi jerleri boıymen ótedi, bizdiń de qatysýshylar elordamyzdyń eń kórikti jerlerimen júgirip ótedi. Al 2018 jylǵy marafonnyń jańalyǵy - marshrýt joly boıy jandy mýzyka bolady, bul júgirýshilerge kúsh pen emotsııa beredi», - deıdi marafonnyń sport dırektory Sergeı Bodrov.
Esterińizge sala keteıik, 2018 jyly BI Marathon-ǵa 22 elden 7200 júgirýshi qatysty, onyń 4 323-i er adamdar bolsa, 2 877 áıel adamdar. Sondaı-aq, BI Group-tan 2 131 adam qatysqan edi, bul qyzmetkerlerdiń salaýatty ómir saltyn qoldaıtyndyǵyn jáne qazaqstandyq kompanııalardyń arasynda áýesqoı-júgirýshiler sanymen kósh bastap turǵanyn bildiredi.
2019 jyly júgirý qashyqtyǵy ózgerdi: 14 jasqa deıingi balalar úshin 2 km júgirý, 14 jastan 16 jasqa deıingi jasóspirimder 5 km júgirý, 16 jastan asqan qatysýshylar úshin 10 km júgirý, 21,1 km jartylaı marafon jáne 18 jastan asqan qatysýshylar úshin 42,2 km marafon ótedi. Skandınavııa júrisiniń áýesqoılary úshin de 10 km qashyqtyq, al korporatıvtik qatysýshylar úshin - estafeta. Qatysý quny 3000-nan 6000 teńgege deıin.
BI Marathon 2019 jyldyń 26 mamyrynda Astana Trıatlon parkinde ótedi
Uıymdastyrýshylar: The Sports Astana - Astana qalasy ákimdiginiń qoldaýymen BI Group holdınginiń sporttyq seriktesi.
Baılanys:
+7 778 427 25 42 - Serkebaeva Naýryz, korporatıvtik PR bóliminiń bastyǵy
Foto: www.kp.kz
