Astanada bı baıqaýynyń jeńimpazdary anyqtaldy
ASTANA. QazAqparat - Astananyń «Jeruıyq» saıabaǵynda «Bıle Astana - 2017» baıqaýy ótti. Jastar men jetkinshekter 7 atalym boıynsha ózara saıysqa tústi dep habarlaıdy qala ákimdiginiń medıa ortalyǵy .
Atalmysh sharany qalalyq jastar saıasaty jóninde basqarma uıymdastyrdy. «Bal bıleri» atalymynda Artýr Lı men Anastasııa Lı jeńiske jetti, «Halyq bıi» atalymy boıynsha Mádına Mekebaevanyń basshylyǵymen «Samuryq» bı mektebi top jardy, «Halyq bıi» (shaǵyn top) atylymy boıynsha «Esil» tobynyń bı ujymy, «Hıp-hop» atalymy boıynsha Jastar saraıynyń «Pokolenıe chýdes» bı toby alǵa ozdy, «Breık-dans» atylymynda Ádil Jantaev jeńiske jetti.
«Dans battl» atalymy boıynsha qazaqstandyq «Simple System» bı stýdııasyna teń keler eshkim bolmady, «Zamanaýı bıler» (shaǵyn top) atalymy boıynsha №63 orta mekteptiń «Gold Step» komandasy jaqsy óner kórsetti.
-Meniń oıymsha, bul óte qyzyqty baıqaý, onyń basty maqsaty elimizdiń jastarynyń basyn qosý, - dedi «Salsa» bıiniń jeńimpazy Dıana Madyraımova.
Sondaı-aq shara barysynda Qazaqstannyń estrada juldyzdary Almas Kishkenbaev jáne elordalyq «Qazaq qyzdary» toby óner kórsetti.
