Astanada Beıjiń Til jáne mádenıet ýnıversıtetiniń fılıaly ashylady
ASTANA. KAZINFORM – Qazaqstan Respýblıkasy Premer-Mınıstriniń orynbasary – Syrtqy ister mınıstri Murat Nurtileý Beıjiń Til jáne mádenıet ýnıversıtetiniń fılıalyn ashý jospary týraly aıtty.
«Ózara vızasyz rejım men Qytaıdaǵy Qazaqstan týrızmi jyly týrıstik aǵymnyń ósýine serpin beretinine senimdimin. Bıyl Astanada Beıjiń Til jáne mádenıet ýnıversıtetiniń fılıalyn ashý josparyn quptaımyz. Sonymen qatar, Qazaqstanda Qytaıdyń ozyq tehnıkalyq joǵary oqý oryndarynyń basqa da fılıaldaryn ashýǵa múddelimiz. Kórip otyrǵanymyzdaı, Qazaqstan-Qytaı qarym-qatynasynyń vektory tatý kórshilik pen ózara syılastyq rýhynda qarqyndy ósýdi kórsetip otyr», - dedi Murat Nurtileýov qytaılyq áriptesin qarsy ala otyryp.
Aıta keteıik, búgin Qytaı Halyq Respýblıkasynyń Syrtqy ister mınıstri Van I Qazaqstanǵa resmı saparmen keldi.
Sapar aıasynda Qazaqstan Respýblıkasy Premer-Mınıstriniń orynbasary – Syrtqy ister mınıstri Murat Nurtileýmen shaǵyn jáne keńeıtilgen quramdaǵy kelissózder júrip jatyr.
