Astanada beıtanys er adam balabaqshadan sábı urlamaq boldy
ASTANA. QazAqparat - Astana qalasynyń Іshki ister departamenti beıtanys er adamnyń balabaqshadan búldirshindi alyp ketpek bolǵany týraly mán-jaıdy anyqtap jatyr, dep habarlaıdy QazAqparat tilshisi.
Oqıǵa týraly Feısbýk qoldanýshylarynyń biri Anasstasia Morozova jazdy.
Anyqtalǵandaı, tárbıeshi balanyń ájesine onyń nemeresin beıtanys er adamnyń alyp ketkisi kelgenin habarlaǵan. Er adam tárbıeshige qyzdyń anasy syrttaǵy kólikte kútip otyrǵanyn aıtyp, búldirshindi ózimen alyp ketpek bolǵan.
«Kúdigi týǵan balabaqsha qyzmetkeri Lananyń ata-anasynan túsken qońyraýdy tekserý úshin uıaly telefonyn tekserýge ketken. Biraq, ata-anadan eshqandaı habarlama bolmaǵan. Tárbıeshi hollǵa qaıtyp kelgende, kúmándi er adam men kóshedegi kólik izim-ǵaıym joǵalǵan. Mekeme meńgerýshisine habar berilip, polıtsııa jasaǵy shaqyryldy. Beınekamera jazbalary tekserildi, alaıda er adamnyń túrin anyqtaý múmkin bolmady. Degenmen, kýá bolǵandardyń aıtýymen fotorobot jasalýda», - dep jazdy ol.
ІІD baspasóz qyzmeti shaǵym boıynsha tekserý jumystary júrip jatqanyn habarlady.
«Shaǵym boıynsha tekserý jumystary jáne kúdiktini anyqtaý boıynsha jedel sharalar júrip jatyr. Oqıǵanyń mán-jaıy anyqtalýda», - dep jaýap berdi baspasóz qyzmetinen.
