Astanada beınetirkeý júıesiniń kómegimen ereje buzǵan 900-den astam júrgizýshi anyqtaldy
ASTANA. QazAqparat - Astanada 2014 jyly beınetirkeý júıesi arqyly ereje buzǵan 900-den astam júrgizýshi tirkeldi, dep habarlanǵan elorda ákimdiginiń resmı saıtynda.
Astanada qalanyń tirshilik áreketin keshendi qamtamasyz etý baǵdarlamasy aıasynda jol qaýipsizdigin baqylaý jáne jazanyń qoldanylmaı qalmaý qaǵıdatyn oryndaý úshin jol qozǵalysy erejelerin buzýdy tirkeıtin avtomatty foto jáne beınetirkeý júıeleri ornatyldy. Kún saıyn kameralar arqyly júzdegen jol qozǵalysy erejelerin buzý jaǵdaıy anyqtalady. Astana qalasy ІІD Ákimshilik polıtsııa basqarmasynyń habarlaýynsha, bıyl atalǵan júıeniń kómegimen 900-den astam jol erejesin buzýshylyq tirkeldi. Jalpy kólemi 20 mln. teńge óndirip alyndy. Júıe online rejiminde birýaqytta apattylyq deńgeıine áser etetin birneshe JKO-ny tirkeýge múmkindik beredi, mysaly: jyldamdyq rejimin arttyrý, baǵdarshamnyń tyıym salynǵan belgisine qaramaı júrip ketý jáne toqtaý syzyǵynan ótip ketý. Jol erejelerin buzýshylyqtar týraly málimetter «Astana Innovations» AQ protsestik ortalyǵynda óńdeledi jáne ol aıyppul mólsheri kórsetilgen uıǵarymdar retinde kólik tirkelgen mekenjaı boıynsha tártip buzýshyǵa jiberiledi.
