Astanada beınebaqylaý kómegimen 300 myń teńge turatyn uıaly telefon urlyǵy ashyldy
ASTANA. QazAqparat - Elorda polıtseıleri Jedel basqarý ortalyǵy beınebaqylaý taspalarynyń kómegimen quny 300 myń teńgeni quraıtyn uıaly telefon urlyǵyn izin sýytpaı ashqan.
Elorda ІІD baspasóz qyzmetiniń aqparattandyrýynsha, 102 nómirine Astananyń 25 jastaǵy turǵyny habarlasyp, belgisiz bireýdiń keshke Imanov kóshesinde onyń 300 myńǵa jýyq teńgeni quraıtyn uıaly telefonyn urlap, qashyp ketkenin habarlady. JBO beınebaqylaý taspalarynyń kómegimen polıtsııa qyzmetkerleri 22 jastaǵy azamat D-ny izin sýytpaı ustady. Atalǵan fakti boıynsha sot aldyndaǵy tergeý amaldary júrgizilýde.
Qazirgi kezde ustalǵan er adam moıyndaý túsinikterin berdi. Aıǵaq dálel alyndy. Kúdikti Astana qalalyq ІІD ýaqytsha ustaý abaqtysyna qamaldy.
Astana qalalyq ІІD qyzmetkerleriniń aqparatynsha, jyl basynan beri Jedel basqarý ortalyǵy beınetaspalarynyń kómegimen polıtseıler 200-ge jýyq qylmys pen 32 myńnan astam ákimshilik quqyq buzýshylyqtar ashylǵan.
