Astanada Beıbitshilik kóshesi boıyndaǵy úılerdiń birine qaraqshylyq shabýyl jasaldy

Bul jóninde búgin Astana qalasy Іshki ister departamentiniń baspasóz qyzmetiniń habarlamasynan belgili boldy.

Tergeý basqarmasy qyzmetkerleriniń málimdeýinshe, qaraqshylyq shabýyl aldyn ala uıymdastyrylǵan sıpatta bolǵan. Bir áıel adam men bir er azamattyń qatysýymen jasalǵan qaraqshylyq shabýyl úı ıesi páter esigin ashqan sátte oryn alǵan. Qylmystyq áreketke qatysýshy áıel jábirlenýshi nazaryn alańdatý amalyn jasaǵan. Shabýyl saldarynan jábirlenýshi ómirine qaýip tónip, densaýlyǵyna nuqsan kelgen.

Qylmysker er azamat 5 myń teńge kólemindegi aqshasy men qujattary bar jábirlenýshiniń sómkesin alyp, iz jasyrǵan. Qylmysqa qatysýshy áıel oqıǵa ornynda ustaldy.

Astana qalasy Іshki ister departamenti Tergeý basqarmasy qyzmetkerleriniń shuǵyl izdestirý sharalary nátıjesinde qylmys jasaǵan er adamnyń esimi anyqtalyp, onyń buryn sottalǵandyǵy belgili boldy. Qazirgi tańda qylmyskerdi ustaý boıynsha jedel izdestirý sharalary júrgizilip jatyr.

Tergeý barysynda tutqyndalǵan áıel adamnyń buryn sottalǵan Astana qalasynyń turǵyny ekendigi anyqtalyp, kúdikti ýaqytsha ustaý ızolıatoryna qamaldy.