Astanada bessaıystan Álem kýbogynyń fınaly aıaqtaldy
ASTANA. QazAqparat - Astanada bessaıystan Álem kýbogi óz máresine jetti. Fınaldyq jarystar «Qazanat» atshabarynda ótti, dep habarlaıdy QazAqparat QR MSM Sport jáne dene shynyqtyrý isteri komıtetiniń baspasóz qyzmetine silteme jasap.
Alǵashqy kúnniń qorytyndysy boıynsha áıelder arasynda birinshi oryndy Olımpıada chempıony aýstralııalyq Hloı Espozıto aldy, ol qorytyndysynda 1 337 upaı jınady, (semserlesý-226, júzý-287, salt júris-300, lazerran (júgirý+atý) - 524, ekinshi oryndy majarstandyq Sarolta Kovaks aldy, onyń qorjynynda - 1 324 upaı (semserlesý-244, júzý-289, salt júris-293, lazerran (júgirý+atý) - 498, úzdik úshtikti lıtvalyq Djıntarı Vınkaýskaıte túıindedi -1 371 upaı (semserlesý-185, júzý-266, salt júris - 300, lazerran (júgirý+atý)-566.
Ekinshi kúnniń qorytyndysy boıynsha erler arasynda birinshi oryndy Koreıadan kelgen bessaıysshy Djınhýa Djýn ıelendi, ol jalpy - 1 431 upaı jınady (semserlesý - 258, júzý - 305, salt júris - 300, lazerran (júgirý+atý) - 568, ekinshi oryn da koreıalyq sportshynyń enshisinde Výntaı Djýn -1 426 upaı jınady (semserlesý - 215, júzý - 306, salt júris - 293, lazerran (júgirý+atý) - 612, úshtikti ırlandııalyq Artýr Lenıgan-O Keıfı túıindedi, ol - 1 425 upaı ıelendi (semserlesý-224, júzý-307, salt júris - 300, lazerran (júgirý+atý) - 591.
Úshinshi kún aralas estafetamen qorytyndylandy. Birinshi oryndy ıtalııalyq bessaıysshylar Elıs Sotero men Rıkardo de Lýka aldy, ekinshi orynda koreıalyq sportshylar Kým Sýn Vo jáne Djı hýn Lı, úshinshi orynda ýkraınalyq bessaıysshylar Valerııa Permıkına men Pavel Tımoshenko.
Eske sala ketsek, qazirgi bessaıystan Álem kýbogynyń fınaly maýsymnyń 21-24 aralyǵynda «Saryarqa» velotregi, «Barys Arena» sport kesheni, «Qazanat» atshabary bazalarynda ótti. Shara Astana qalasynyń 20-jyldyǵyna arnaldy. Fınalǵa álemniń eń úzdik sportshylarynyń tizimine engen 36 er jáne 36 áıel sportshy keldi.
Qazaqstan tarıhynda zamanaýı bessaıystan el abyroıyn qorǵaǵan myqty sportshylar barshylyq. Atap aıtqanda, 1996 jyly Atlantada ótken Olımpıada oıyndarynda Aleksandr Parygın Qazaqstannyń qorjynyna altyn medal ápergen bolatyn.
