Astanada besinshi qabattan bala qulap ketti
ASTANA. QazAqparat - Apta basynan beri Astanada besinshi qabattan eki bala qulaǵan, ekeýiniń de ómiri aman qaldy.
Úsh jastaǵy bala 1 tamyzda besinshi qabattan qulaǵan. Taǵy biri 4 tamyzda keshkisin bes qabattyq bıiktikten qulap ketken. Ekeýi de aýrýxanada.
«1 tamyzda qulaǵan bala aýrýxana bólimshesinde jatyr, onyń densaýlyǵyna qatysty tolyq eshteńe aıta almaımyn. Degenmen eger biz ony bólimshege aýystyrsaq, demek onyń ómirine esh qaýip joq. Keshe túnde taǵy bir bala aýrýxanaǵa jetkizildi. Ol da besinshi qabattan qulap ketken. Bizde kúnde bireý túsip otyrady», - deıdi «QazAqparat» tilshisine bergen suxbatynda №2 balalar aýrýxanasy bas dárigeriniń mindetin atqarýshy Ulyqbek Asylbekov.
Bul oqıǵalardy QR ІІM Tótenshe jaǵdaılar komıtetiniń resmı ókili Rýslan Imanqulov ta rastady. 4 tamyzda, 20.39 saǵatta, Saryarqa aýdany Baıseıitov kóshesindegi úıdiń besinshi qabatynan 2010 jyly týǵan bala qulady. «QR ІІM TJK atynan bir ǵana keńes bere alamyn - balalardy qaraýsyz qaldyrmańyzdar. Bul ata-analardyń óreskel jaýapsyzdyǵynan oryn alady», - dedi R. Imanqulov.
