Astanada bes jyldyń ishinde 4,5 myńnan astam otbasyǵa jańa baspananyń kilti tapsyryldy
ASTANA. 25 jeltoqsan. QazAqparat - Astanada bes jyldyń ishinde 4,5 myńnan astam otbasy jańa baspanaǵa ıe boldy. Bul týraly búgin muqtaj jandarǵa jańa páterdiń kiltterin tapsyrý barysynda elorda ákimi Imanǵalı Tasmaǵambetov málim etti, dep jazady elordanyń resmı saıty.
«Sońǵy 5 jylda biz 4,5 myńnan astam otbasyǵa páter kiltterin tabys ettik. Sonyń ishinde 1200-i halyqtyń áleýmettik qorǵalmaǵan toptaryna jatady. Buǵan qaramastan, qalaǵa jyl saıyn elimizdiń ózge óńirlerinen 50 myńǵa jýyq adam keledi. Bul bizdi turǵyn úı qurylysy máselesin jedel sheshýge ıtermeleıdi»,- dedi qala basshysy.
Onyń aıtýynsha, qazirgi ýaqytta elordada turǵyn úıge kezekte 28438 adam tur. Bul - halyqtyń áleýmettik qorǵalmaǵan toptary, áleýmettik sala qyzmetkerleri, muǵalimder, dárigerler jáne basqalary.
Búgin Astanada 11 otbasy jańa páterdiń kiltin aldy. Memlekettik áleýmettik seriktestik sheńberinde 10 qurylys kompanııasy 11 otbasyǵa 1 jáne 2 bólmeli páterler berdi.
Aıta keteıik, qurylys kompanııalarynyń áleýmettik osal otbasylarǵa páter berýi syndy qaıyrymdylyq is-shara dástúrge aınalyp otyr. Osy ýaqytqa deıin atalǵan aktsııa aıasynda 60 otbasy baspanaly boldy. Olardyń bir bóligi 2011 jyly elorda kúni jáne Táýelsizdik kúni merekeleriniń qarsańynda qonys toıyn toılady. Qalǵandaryna páter kiltteri 2012 jyly Qazaqstan Respýblıkasy Tuńǵysh Prezıdentiniń kúni qarsańynda berildi. Bıyl aktsııa Jańa jyl qarsańynda uıymdastyryldy.
