Astanada bes kókónis qoımasy men eki jylyjaı salynyp jatyr
ASTANA. QazAqparat - Azyq-túlik qaýipsizdigin qamtamasyz etý aıasynda elordada kókónis qoımalary men jylyjaılar salý jobalary júzege asyrylýda,dep habarlady www.astana.gov.kz.
Astana qalasy Aýyl sharýashyly basqarmasynyń habarlaýynsha, azyq-túlik beldeýi shekarasynda, sonymen qatar Astana qalasy aýmaǵyn qosqanda 916 kásiporyn jumys isteıdi.
Astana qalasy ákimdigi qaıta óńdeý kásiporyndary men qalanyń saýda oryndaryna azyq-túlik beldeýin damytý maqsatynda qoldaý kórsetedi. Osy maqsatta aýyl sharýashylyǵy taýar óndirýshilerine iri saýda ortalyqtarynda qosymsha alymdar joıyldy.
Elordany azyq-túlikpen qamtamasyz etý maqsatynda arnaıy qoımalar qajet. Qazirgi tańda qala aýmaǵynda 29 myń tonna quraıtyn 7 kókónis qoımasy ( «SZTs Astana Agro» JShS, «Astana-Agro-AA» JShS, «AgroNıva» JShS, «Kartofel ı ovoşı» JShS, «Arul communication» JShS, «Tselınselmash» JShS, «Astana Food Storage» JShS) júzege asyrylýda. Kásiporyn jelisin keńeıtý maqsatynda saqtaý kólemi 14,5 myń tonna bolatyn 5 kókónis qoımasy salynyp jatyr. Elorda aýmaǵynda 2 jylyjaı salýdy «AstanaEkoStandart» JShS jáne «Naýrzalına» JK júzege asyrýda. Búginde jylyna 4,8 myń tonnalyq qýaty bar 2 jylyjaı salynyp jatyr. Budan bólek, jalpy kólemi jylyna 10 000 tonnadan astam ónim shyǵaratyn 7 jylyjaı josparlaný satysynda tur.
2017 jyly barlyq jobalar paıdalanýǵa berilgen ýaqytta qalanyń jemis jáne kókónis ónimderi (60 000 tonna) men jylyjaı ónimderin (maýsymaralyq kezeńde 8000 tonna) saqtaý máselesi tolyqtaı sheshiledi dep kútilýde.
