Astanada bes qabatty úı órtendi, zardap shekkender bar - QR TJM
ASTANA. 20 qyrkúıek. QazAqparat - Astanada bes qabatty turǵyn úıdiń órtenýinen 15 adam qaýipsiz aımaqqa kóshirildi, zardap shekkender bar, dep habarlady QR TJM-niń baspasóz qyzmetinen.
Sársenbi kúni Astanada Jeńis dańǵyly boıynda ornalasqan 5 qabatty úıdiń ekinshi qabatyndaǵy páterden órt shyqty. Jalyn 3 sharshy metr aýmaqty sharpydy. Tótenshe jaǵdaıdyń saldarynan ysty gazǵa ýlanǵan 1940 jylǵy zeınetker men 6 jasar ul bala aýrýhanaǵa jetkizildi. 15 adam, onyń ishinde 4 bala qaýipsiz jerge kóshirildi. Tilsiz jaýdy aýyzdyqtaýǵa QR TJM Astana qalasy boıynsha TJD órtke qarsy qyzmetiniń 29 adamy men 6 tehnıkasy, QR TJM «Apattyq medıtsına ortalyǵy» MM-niń 3 adamy men 1 tehnıkasy jumyldyryldy.
Sol kúni Almaty oblysynyń Jetigen aýylynda Tereshkova 44 kóshesiniń boıynda ornalasqan saıajaılyq úı órtenip, shatyry qulady. Jalynmen joıylǵan aýmaq 48 sharshy metrdi qurady. Órt ornynda bir adamnyń máıiti (jeke tulǵasy anyqtalmaǵan) tabyldy. Órtpen kúreske QR TJM Almaty oblysy boıynsha TJD órtke qarsy qyzmetiniń 5 adamy men 1 tehnıkasy jumyldyryldy.
