Astanada bes qabatty úıden órt shyǵyp, 36 adam evakýatsııalandy
ASTANA. KAZINFORM - Búgin Astananyń Almaty aýdanynda Manas kóshesinde ornalasqan bes qabatty turǵyn úı kesheniniń 4-qabatyndaǵy páterde úı zattary men jıhaz órtendi, dep habarlaıdy QR Tótenshe jaǵdaılar mınıstrliginiń baspasóz qyzmeti.
Baspasóz qyzmetiniń málimetterine qaraǵanda, oqıǵa ornyna TJM bólimsheleri jedel jetip, órtti sóndirý jumystaryna birden kirisken.
-Qutqarý jumystary barysynda gaz-tútinnen qorǵaý qyzmetiniń býyny 6 adamdy, onyń ishinde 2 balany qutqardy. Sonymen qatar ǵımarattan 30 adam evakýatsııalandy. Órt 25 sharshy metr aýmaqta tolyq sóndirildi,-delingen habarlamada.
Osyǵan deıin Astanada LRT stansasynan órt shyqqany týraly jazdyq.
