Astanada bes densaýlyq saqtaý nysanyn salý jobalanýda
ASTANA. QazAqparat - Elordada densaýlyq saqtaý nysandarynyń jetispeýshiligin eskere kele, sonymen qatar medıtsına qyzmetkerlerin baspanamen qamtamasyz etý máselesin nazarǵa ala otyryp, qalalyq ákimdik Astana qalasynyń Qurylys basqarmasymen birlesip, bes densaýlyq saqtaý nysanyn jobalaý boıynsha sharalar qabyldady.
Atap aıtqanda, patologoanatomııalyq bıýro, Internatsıonalnyı kentinde bir aýysymda 250 kelýshini qabyldaı alatyn ambýlatorııalyq-emhana keshen, Kóktal-2 kentindegi bir aýysymda 250 kelýshige arnalǵan ambýlatorııalyq-emhana keshen, sonymen qatar «Ana men bala» medıtsınalyq-áleýmettik ortalyǵy men medıtsına qyzmetkerlerine arnalǵan shaǵyn otbasylyq jataqhananyń qurylysy júrgizilmek. Nysandardy 2015-2016 jyldary paıdalanýǵa berý kózdelgen. Qazirgi kezde solarǵa qatysty jobalyq-smetalyq qujattamalar ázirlenip jatyr, dep habarlanǵan elorda ákimdiginiń resmı saıtynda.
