Astanada «Berel qupııalary» kórmesi ashyldy
«Berel qupııalary» kórmesi elimizge belgili professor, arheolog, Berel qorǵandaryn zerttep júrgen tarıh ǵylymdarynyń doktory Zeınolla Samashevtyń muryndyq bolýymen ashylyp otyr. Kórmeniń ashylý saltanatyna QR Mádenıet jáne sport mınıstrliginiń jaýapty hatshysy Qýatjan Ýálıev, QR Qarýly Kúshteri bas shtabynyń ıdeologııalyq jáne tárbıelik jumysy jónindegi departamenti bastyǵynyń orynbasary Qaısar Muǵalov qatysty.
Shyǵys Qazaqstan oblysy Katonqaraǵaı aýdanyndaǵy Berel qorǵandarynan qazaq dalasyndaǵy kóne eskertkishter kúni búginge deıin tabylyp jatyr. Ejelgi saq taıpalarynyń qundy jádigerlerge sheteldik týrıster de den qoıyp keledi. ShQO ákimi Danıal Ahmetov sońǵy eki jylda qorǵandardy túgendep, tarıhı jádigerlerdi jańǵyrtýdyń baǵdarlamasyn usynǵan bolatyn. Osynyń arqasynda Berel qorǵanynda Zeınolla Samashev bastaǵan ekspedıtsııalyq top qazba jumystaryn jalǵastyrýda.
«Berel qupııalary» kórmesinde er jáne áıel adamnyń bas súıekteri boıynsha jasalǵan antropologııalyq keskinder, at ábzeliniń áshekeı buıymdary, ejelgi aınalardyń qaldyqtary qoıylǵan.
Kórmeni tamashalaýshylar úshin esik ashyq. Osy ýaqytta tarıhı jádigerlerdiń kórmesin Qytaı Halyq Respýblıkasynyń joǵary oqý oryndarynyń stýdentteri tamashalap ketti.
