Astanada benzın tıelgen KamAZ aýdaryldy, júrgizýshi aýrýhana jetkizildi
ASTANA. 17 shilde. QazAqparat - Astana qalasynyń Almaty aýdanynda, «Shanhaı» bazarynyń Alash tas jolynda 16 shilde kúni saǵat 14.46-da «KamAZ» kóliginiń (20 tonna syıymdylyqtaǵy tsısterna, «QazMunaıgaz» UK-ǵa tıesili) 62 jastaǵy júrgizýshisi jol shetine qaraı aýdarylyp ketti.
Bul týraly QR TJM-niń baspasóz qyzmeti habarlady.
Sonyń saldarynan benzın tógildi. Tógilgen munaı ónimi shamamen 10 tonnany qurady. Qalǵan benzın basqa avtotsısternaǵa quıyldy.
Saǵat 19.32-de KamAZ-dy joldyń shetinen kóterdi. Jol-kólik apatynyń saldarynan júrgizýshi B. Aǵataev ártúrli jaraqattarmen aýrýhanaǵa jetkizildi.
Tótenshe jaǵdaıdy joıýǵa QR TJM Astana qalasy boıynsha órtke qarsy qyzmettiń 9 adamy men 3 tehnıkasy, QR TJM «Apattar medtsına ortalyǵy» MM-niń 3 adamy men 1 tehnıkasy, Astana qalasy boıynsha SES, qorshaǵan ortany qorǵaý basqarmasynyń qyzmetkerleri, Astana qalasy ІІD JPB-nyń qyzmetkerleri jumyldyryldy.
