Astanada benzın sapasy tekserilip jatyr
ASTANA. QazAqparat - Tehnıkalyq retteý jáne metrologııa komıtetiniń Astana qalasy boıynsha departamenti «Sinooil» janarmaı quıý stantsııasyndaǵy AI-92 markaly benzınniń sapa standarttaryna sáıkestigin tekserip jatyr. Bul týraly elorda ákimdiginiń baspasóz qyzmetinen habarlady.
«Qazirgi ýaqytta «Sinooil» janarmaı quıý stantsııasy tekserilýde. Bir azamattan kelip túsken ótinish boıynsha osy stantsııada satylatyn AI-92 markaly benzınniń sapasy qaralady. Ázirge, eshqandaı nátıje joq. Eger benzınniń sapa standarttaryna sáıkessizdigi anyqtalsa, janarmaı quıý stantsııalarynyń ıelerine ákimshilik aıyppul salynady», - dep habarlady tehnıkalyq retteý departamentinen.
Aıta keteıik, Astana qalasy statıstıka departamentiniń habarlaýynsha, jyl basynda qalada 134 jýyq janarmaı quıý stantsııasy men gaz quıý stantsııasy bolǵan, sonyń ishinde 124 statsıonarlyq, 3 konteınerlik jáne 7 jyljymaly stantsııa. Astanada motor otynyn saqtaýǵa arnalǵan kólemi 1249,8 myń lıtrlik 568 rezervýar bar. Elordaǵa otyn qazaqstandyq munaı óńdeý zaýyttarynan ákelinedi, al keıbir jeke menshikti janarmaı quıý stantsııalary benzındi Reseı munaı óńdeý zaýyttarynan da (Ýfa, Omby, Chelıabınsk, Orsk jáne t.b.) satyp alady.
