Astanada benzın qymbattady
ASTANA. QazAqparat - Elordada «QazMunaıGaz» janaramaı quıý stansalarynda AI-92 markaly benzın baǵasy kóterildi, dep habarlaıdy QazAqparat.
Aıta keterligi, AI-92 markaly benzın tek Astanada ǵana emes sonymen birge elimizdiń barlyq qalalarynda lıtrine 3 teńgege qymbattap, 128 teńgege jetti. Buǵan deıin AI-92 lıtri 125 teńge bolǵan edi. Al AI-95 markaly benzınniń baǵasy «QazMunaıGaz» stansalarynda 142 teńgege jetken.
«QazAqparat» tilshisine «QMG» call-ortalyǵynan AI-92 benzıniniń baǵasy 27 qazannan bastap kóterilgenin aıtty.
Búginde AI-92 markaly benzın «Nomad» stansasynda lıtri 127 teńgeden, Helios-te 129 teńgeden, al Aýrıkada 131 teńgeden satylýda.
Este bolsa, 9 qyrkúıek kúni Astana «QazMunaıGazdan» basqa barlyq janarmaı quıý stansasynda AI-92 benzıni qymbattaǵan edi.
2015 jyldyń qyrkúıeginde Qazaqstan AI-92 jáne AI-93 markaly benzın baǵasyn memlekettik retteýden bas tartty. Osy jyldyń 28 shildesinde dızel otyny baǵasyn da memlekettik retteý alynyp tastaldy.
