Belsendi jastar shashylyp jatqa qoqysty jaýapty kompanııanyń keńsesine apardy
ASTANA. KAZINFORM - Resmı málimetterge sáıkes, Astanada zańsyz qoqys tastaýdy baqylaý kúsheıdi. Ákimdik saıtyndaǵy aqparat boıynsha, osy jyly elordadaǵy bes aýdanda 45 myń tonnaǵa jýyq qaldyq joıylǵan.
«Jańa adamdar» jastar qozǵalysynyń ókilderi áli de problemaly núkteler baryn aıtady. Sonyń biri — Uly Dala men Turan dańǵyldarynyń qıylysyndaǵy qoqys alańy. 8,6 gektarǵa deıin sozylǵan jáne spýtnıkten de kórinetin qoqys alańy uzaq ýaqyt boıy qurylys kompanııasynyń tarapynan tıisti nazarsyz qalǵan. Birneshe aı boıy belsendiler reıd ótkizip, beınejazbaǵa túsirip, qoqysty osy aýmaqqa tasymaldaǵan KAMAZ kólikteriniń júrgizýshilerimen sóılesken jáne jergilikti turǵyndarmen áńgimelesip, jaǵdaıdy qujattap otyrǵan.
Belsendiler osy aýmaq úshin jaýapkershilik «Nur Astana Qurylys» kompanııasyna tıesili ekenin anyqtaǵan. Ekologııany saqtaý, zamanaýı tásil jáne qala turǵyndarynyń jaılylyǵy týraly jarııa ustanymdaryna qaramastan, kompanııa qurylys nysandarynyń qoqys úıindilerimen qatar ornalasýy jıileı túskenin baıqaǵan.
Jastar kompanııanyń ustanymdary men jaýapkershiligin eske salýdy uıǵarady. Birneshe ondaǵan qatysýshy ruqsat etilmegen qoqys alańynan qaldyq salyp alyp, kompanııa keńsesine jetkizedi.
- Qoqys velosıpedpen, «NAK-tyń qoqysy — NAK keńsesine. Óz qoqys alańdaryńdy ózderiń tazalańdar!» degen úndeýi bar sómkelermen jetkizildi. Osy áreket arqyly belsendiler máseleni elemeý onyń tikeleı ózińe oralýyna ákeletinin kórsetti. Qalaǵa degen qurmet — óz áreketterińniń saldary úshin jaýapkershilik alýdan bastalady, - delingen «Jańa adamdar» jastar qozǵalysy taratqan habarlamada.
Qoqysty jetkizý barysynda jáne «Nur Astana Qurylys» holdınginiń basqarýshysy Serikjan Muhtarovpen sóılesý kezinde belsendilerdi quqyq qorǵaý organdarynyń qyzmetkerleri toqtatty. Olardyń maqsaty - mán-jaıdy anyqtaý. Belsendiler qoǵamnyń ustanymyn jetkizip, kompanııadan naqty jaýap ala aldy: Qoqys alańyn joıý 2025 jyldyń qazanyna josparlanyp otyr.
Osyǵan deıin Qazaqstanda turmystyq qoqystyń 25%-y qaıta óńdeletini týraly jazdyq.