Astanada belgisiz bireýler LRT vagondaryna sýret salyp ketken – qylmystyq is qozǵaldy

ASTANA. KAZINFORM – Elordada LRT vagondaryna ruqsatsyz graffıtı salý áreketi tirkeldi. Buǵan qatysty City Transportation System kompanııasy pikir bildirdi.

- Vagondardyń joǵarǵy jaǵyna zańsyz graffıtı salynǵany anyqtaldy, - dep habarlady kompanııa ókilderi.

Olar taratqan aqparatqa qaraǵanda, materıaldar quqyq qorǵaý organdaryna joldanyp, atalǵan fakti boıynsha qylmystyq is qozǵaldy.

CTS ókilderi sonymen qatar vagondardyń qorǵanysh qabyǵy bar ekenin málim etti. Ol vagonnyń negizgi boıaýyn syrttan bolatyn yqpaldan qorǵaıdy. Qazir graffıtıdi súrtip jatyr.

Osyǵan deıin LRT-nyń alǵashqy vagondary Astanaǵa jóneltilgeni týraly jazdyq.

11 maýsym kúni №101 stantsııasyna alǵashqy LRT quramy kóterilgeni týraly jazdyq.

Astana ákimi 2026 jyldyń 1-toqsanynda LRT resmı iske qosylatyny týraly habarlady.