Astanada belgisiz bireýler birneshe avtokólikti qasaqana zaqymdaǵan
ASTANA. QazAqparat - Astana qalasynyń Aqmeshit kóshesinde turǵan avtokólikterdi belgisiz bireýler zaqymdap ketti, dep habarlaıdy QazAqparat tilshisi Astana qalalyq ІІD baspasóz qyzmetine silteme jasap.
Vedomstvonyń habarlaýynsha, oqıǵa 29 qazanda túngi ýaqytta tirkelgen.
«Polıtsııaǵa 4 avtokóliktiń ıesi kelip, 29 qazan kúni túngi ýaqytta Aqmeshit kóshesinde turǵan kólikterdi belgisiz bireýlerdiń zaqymdap ketkenin aıtyp shaǵymdandy. Qazirgi ýaqytta jedel izdestirý jumystary júrgizilip jatyr», - dep habarlaıdy Astana qalalyq ІІD baspasóz qyzmetinen.
Atalǵan oqıǵa baılanysty QR Qylmystyq kodeksiniń 202-baby boıynsha sotqa deıingi tergeý amaldary júrgizilýde.
