Astanada belgili qoǵam qaıratkeri Sáken Júnisov týraly derekti fılmniń tusaýkeseri ótti
ASTANA. QazAqparat - Búgin Astandaǵy L.Gýmılev atyndaǵy Eýrazııa ulttyq ýnıversıtetiniń «Stýdentter» úıinde belgili qoǵam qaıratkeri, prozaık, dramatýrg, pýblıtsıst, ádebıet synshysy, memleket syılyqtyń ıegeri Sáken Júnisov týraly derekti fılmniń tusaýkeseri ótti.
Sákenniń shyǵarmashylyq ómirinen syr shertetin bul derekti fılmdi Sáken Júnisovtiń inisi «Qazaqfılm» kıno stýdııasynyń derekti fılmder rejısseri Oral Júnisov túsiripti.
Ol fılmdi túsirý ońaıǵa soqpaǵanyn, keıbir derekterdiń kezindegi solaqaı saıasattyń saldarynan joǵalyp ketkenin aıtty.
«Bir saǵatqa sozylǵan derekti fılm aǵamyzdyń ómirinen qıylyp alynǵan úzik syrlar ǵana. Ómiri men eńbek jolyn tolyq qamtıtyn kólemdi fılm túsirý ońaı emes. Birinshi sebep, qarjyǵa kelip tirelse, ekinshi sebep, Sáken týraly kóptegen estelikter men derekterdiń ár túrli sebepterge baılanysty joıylyp ketkendigi», - dedi Oral Júnisov.
Sondaı-aq, jazýshynyń inisi Sákendi taný, Sákendi zertteý búgingi urpaqtyń isi ekenin de atap ótti. Kúnsultan Otarbaı
