Astanada belgili ǵalym Shaımurat Qýanǵanovtyń 75 jyldyǵyna arnalǵan shyǵarmashylyq keshi ótti

Sh. Qýanǵanov Máskeýdegi Tımırıazev atyndaǵy aýyl sharýashylyq akademııasyn bitirgen. Ol 30 jyldan astam memlekettik mekemelerde: Qazaq KSR jáne Qazaqstan Respýblıkasy Mınıstrler Keńesinde, QR Aýyl sharýashylyq mınıstrliginde, QR Prezıdenti apparatynda jumys istedi.

Onyń qalamynan qazaqtyń kórnekti memleket qaıratkeri týraly «Buqar jyraý jáne onyń zamany» jáne «Arıı-gýn» skvoz veka ı prostranstvo: svıdetelstva, toponımy» atty kitaptar týdy, olarda belgili toponımder, jer ataýlarynyń negizinde ejelgi túrki rýlary men taıpalarynyń tarıhı joldary qaraldy. Basylymda muraǵat materıaldarynyń negizinde Kır, Eskendir Zulqarnaıyn, Attıla-Edil, kóne dúnıeniń áıgili fılosoftarynyń esimderimen baılanysty tarıhı oqıǵalar kórinis tapqan. Sondaı-aq, Shaımurat Tókishulynyń qazaqtardyń tarıhy týraly ǵylymı eńbekteri baspasóz betterinde kóptep jarııalanǵan.

Shyǵarmashylyq keshte «Tarıh. Tanym. Tulǵa» atty kitap kórmesi uıymdastyrylyp, oǵan Qazaqstannyń kóne tarıhy men avtordyń jeke eńbekteri qoıyldy.