Astanada belgili ǵalym-pýblıtsıst Namazaly Omashulynyń shyǵarmashylyq keshi ótti
ASTANA. Qańtardyń 23-i. QazAqparat /Arman Asqarov/ - Búgin Lev Gýmılev atyndaǵy Eýrazııa ulttyq ýnıversıtetinde belgili ǵalym-pýblıtsıst, fılologııa ǵylymdarynyń doktory, professor Namazaly Omashulynyń 60 jyldyq mereıtoıy men shyǵarmashylyǵyna 35 jyl tolýyna oraı kesh ótip,
ǵalymnyń «Radıojýrnalıstıkanyń teorııasy men tájirıbesi» atty oqýlyǵynyń tusaýkeser rásimi boldy, dep habarlaıdy QazAqparat.
N. Omashuly 1950 jylǵy qańtardyń 19-ynda Jambyl oblysynyń Merke aýdany Oıtal aýylynda dúnıege kelgen. Ol 2003 jyldan QR Ulttyq Ǵylym Akademııasynyń tolyq múshesi (akademık), 2002 jyldan Qazaqstan jýrnalıstıkasy akademııasynyń tolyq múshesi (akademık), Qazaqstan Jazýshylar odaǵy men Qazaqstan Jýrnalıster odaǵynyń múshesi. Qazaqstan Respýblıkasy Prezıdentiniń buqaralyq aqparat quraldary salasyndaǵy syılyǵynyń laýreaty.
Professor N. Omashuly 3 oqýlyqtyń, 5 monografııanyń, 9 ǵylymı-pýblıtsıstıkalyq eńbekter men ocherkter jınaǵynyń, 7 oqý quraldarynyń jáne 300-den astam ǵylymı, pýblıtsıstıkalyq maqalalardyń avtory. Onyń jetekshiligimen 20 kandıdattyq, úsh doktorlyq dıssertatsııa qorǵaldy. Ǵylymı eńbekteri Qazaqstanda ǵana ǵana emes, sonymen qatar alys-jaqyn shet elderde de úlken rezonans týǵyzǵan. Ǵalymnyń baıandamalary Las-Vegasta (AQSh, 1998), Parıj (Frantsııa, 1999), Monreal (Kanada, 2000), Barselona, Madrıd (Ispanııa), Reseı(Moskva, 1980-1992) jáne t.b. halyqaralyq konferentsııalarda joǵarǵy kásibı baǵaǵa ıe boldy.
Ol 1995 jyldan ıÝNESKO janyndaǵy buqaralyq kommýnıkatsııa jáne jýrnalıstıka boıynsha Dúnıejúzilik ORBIKOM uıymynyń múshesi, jýrnalıstıka fakýltetiniń dekany (1995-2001), ıÝNESKO-nyń buqaralyq baılanys jáne jýrnalıstıka kafedrasynyń meńgerýshisi, jýrnalıstıka boıynsha Dıssertatsııalyq keńestiń tóraǵasy (1996), Ál-Farabı atyndaǵy Qazaq ulttyq ýnıversıtetiniń prorektory (2001-2008) qyzmetterin atqarǵan. Qazir L.N. Gýmılev atyndaǵy Eýrazııa ulttyq ýnıversıtetiniń Jýrnalıstıka máselelerin zertteý ınstıtýtynyń dırektory.
N. Omashulynyń sońǵy bekitilgen tıptik oqý baǵdarlamasyna sáıkes jazylǵan «Radıojýrnalıstıkanyń teorııasy men tájirıbesi» atty oqýlyǵy 9 taraý men 33 bólimnen turady. Munda radıohabarlardyń BAQ retindegi róli men orny, qoǵamdyq mindetteri, tarıhy jáne tehnologııasynyń damý kezeńderi túgel qamtylǵan. Sol sııaqty radıojýrnalıstıkanyń janrlary men pishinderiniń qalyptasýy, efır jýrnalıstıkasynyń erekshelikteri, kóp jylǵy tájirıbesi keńinen qarastyryldy. Ár taraý modýlderi kórsetilip, sol boıynsha qoıylatyn suraqtar men jaýaptary qamtylǵan qajetti ádebıetterdiń usynylýy, kýrs jobalary, semınar sabaqtarynyń taqyryptary, oǵan berilgen jaýaptardyń keshendi túrde qamtylýy - avtordyń kóp jylǵy ǵylymı izdenisiniń nátıjesi.
Shyǵarmashylyq keshke belgili ǵalymdar men respýblıkalyq BAQ basshylary, óner, mádenıet qaıratkerleri, jýrnalıster qatysty.
